ஐ.நா விசாரணைக்கு சரியான தகவல்களை சிறிலங்கா வழங்க வேண்டும் – ஜப்பானும் அறிவுறுத்துகிறது ^சிறிலங்காவின் ஊடக சுதந்திரம் – அமெரிக்கா கவலை ^சிறிலங்காவின் மோடியாக அதிபர் ராஜபக்ச உள்ளார் - இந்திய ஆய்வாளர் ^சிறிலங்காவின் சீனத் துருப்புச்சீட்டு - இனி இந்தியாவிடம் வாய்க்காது ^மத சுதந்திரம் குறித்த அமெரிக்க அறிக்கை – சிறிலங்காவுக்கு காத்திருக்கிறது அடி ^அவுஸ்ரேலியா கொண்டு செல்லப்பட்ட அகதிகளிடம் இந்திய அதிகாரிகள் விசாரணை ^கொழும்பிலுள்ள பாகிஸ்தான் தூதரக அதிகாரி குறித்து சிறிலங்காவுக்கு இந்தியா அறிக்கை ^சிறிலங்கா ஆட்சியாளர்களுக்கு சின்னதாகத் தெரியும் சிறுபான்மையினரின் வலி – செய்தி ஆய்வு ^கொகோஸ் தீவில் இருந்து அகதிகள் அவுஸ்ரேலியாவுக்கு அனுப்பிவைப்பு ^சிறிலங்காவின் 'இனப்படுகொலை' - அனைத்துலகச் சட்டங்கள் கூறுவதென்ன? ^
இன்றைய செய்திகள்
ஞாயிறு, 27-07-2014
சனி, 26-07-2014
வெள்ளி, 25-07-2014
வியாழன், 24-07-2014
புதன், 23-07-2014
செவ்வாய், 22-07-2014
திங்கள், 21-07-2014
செய்திகள்
ஆய்வு செய்திகள்
சிறப்பு செய்திகள்
கட்டுரைகள்
ஆய்வு கட்டுரைகள்
புதினப்பார்வை
விருந்தினர்பக்கம்
சிறப்பு செய்திகள்
அடுத்தடுத்து சிறிலங்கா செல்லும் சீன, ஜப்பானிய தலைவர்கள் – கொழும்புக்கு நெருக்கடி
இந்த இரண்டு நாடுகளுக்கும் இடையில், முரண்பாடுகள் நிலவிவரும் சூழலில், இருநாடுகளினதும், தலைவர்களை கிட்டத்தட்ட ஒரே நேரத்தில் எதிர்கொள்வதில் சிறிலங்கா நெருக்கடிகளை எதிர்நோக்கும் என்று எதிர்பார்க்கப்படுகிறது. [விரிவு]
சிறிலங்காவில் எழுச்சி பெறும் இஸ்லாமியர் எதிர்ப்பும் எதிர்கால ஆபத்துகளும் - தயான்
நாட்டில் பொது பல சேன என்கின்ற பௌத்த தீவிரவாத அமைப்பானது முஸ்லீம் சமூகத்தை தேசிய நீரோட்டத்திலிருந்து தனிமைப்படுத்துவதற்கான நடவடிக்கைகளை மேற்கொள்வதற்கான அனுமதியை சிறிலங்கா அரசாங்கம் வழங்கியமை மிகப் பெரிய தவறாகும். [விரிவு]
இஸ்ரேலுக்கு எதிராக வாக்களித்தது இந்தியா - ஜெனிவாவில் இரட்டை வேடம்
பாலஸ்தீனத்தில் இடம்பெற்ற அனைத்துலக மனித உரிமை மற்றும் மனிதாபிமானச் சட்ட மீறல்கள் குறித்து விசாரிப்பதற்கு, சுதந்திரமான அனைத்துலக விசாரணைக் குழுவை அமைப்பதற்கான தீர்மானத்துக்கு ஆதரவாக இந்தியா வாக்களித்துள்ளது. [விரிவு]
ஐ.நா விசாரணைக் குழுவுக்கு நுழைவிசைவு மறுக்கப்பட்டதா? – இந்திய வெளிவிவகார அமைச்சு பதில்
சிறிலங்காவில் இடம்பெற்ற மீறல்கள் குறித்து, விசாரிக்கும் ஐ.நா விசாரணைக் குழுவுக்கு இந்தியா நுழைவிசைவு வழங்க மறுத்ததா என்பது குறித்து தனக்குத் தெரியாது என்று இந்திய வெளிவிவகார அமைச்சின் பேச்சாளர் சையட் அக்பருதீன் தெரிவித்துள்ளார். [விரிவு]
கொழும்பில் ஐ.நாவைப் புரட்டியெடுத்து சிறிலங்காவுக்கு உற்சாகமூட்டிய இந்தியப் பேராசிரியர்
இந்தியாவின் புதிய அரசாங்கம் யதார்த்தமான, முற்போக்கான அரசாங்கம் என்பதால், ஜெனிவாவில் சிறிலங்கா விவகாரத்தில் சரியான நிலைப்பாட்டை எடுக்கும்  என்று பேராசிரியர் மாதவ் நலபாட் தெரிவித்துள்ளார். [விரிவு]
கனேடிய வருமான வரித்துறை இரண்டு இந்துக் கோவில்களிடமிருந்து தண்டப்பணம் அறவிட்டது
[ வெள்ளிக்கிழமை, 08 யூன் 2012, 11:30 GMT ] [ நித்தியபாரதி ]
2004ல் இந்துசமுத்திரத்தில் ஏற்பட்ட ஆழிப்பேரலையை அடுத்து, சிறிலங்காவில் செயற்பட்ட புலிகள் அமைப்பின் ஆதரவு நிறுவனம் ஒன்றுக்கு நிதி அனுப்பிய குற்றச்சாட்டின் பேரில் கனேடிய வருமான அமைப்பானது இரு இந்துக் கோவில் நிர்வாகத்தினரிடம் தண்டப் பணம் அறவிட்டுள்ளது.

பதிவு செய்யப்பட்ட Richmond Hill இந்து ஆலயம் மற்றும் Hindu Mission of Mississauga ஆகிய இரண்டு தொண்டு அமைப்புக்களிடமிருந்தும் 140,000 டொலர்கள் மற்றும் 300,000 டொலர்கள் நிதி தண்டப்பணமாக அறவிடப்பட்டுள்ளதாக கனேடிய வருமான அமைப்பு தெரிவித்துள்ளது.

தமிழீழ விடுதலைப் புலிகள் அமைப்பின் 'ஆதரவு அமைப்புக்களில் ஒன்றாகக்' கருதப்படும் தமிழர் புனர்வாழ்வுக் கழகத்துக்கு பல ஆயிரக்கணக்கான டொலர்கள் நிதியை இவ்விரு இந்து ஆலயங்களும் வழங்கியிருந்ததாக சமஸ்டி நிர்வாக தொண்டர் அமைப்புக்களின் ஒருங்கிணைப்பாளர் தெரிவித்துள்ளார்.

"விடுதலைப் புலிகள் அமைப்புடன் தொடர்புபட்ட நிறுவனம் ஒன்றின் ஊடாக நேரடியாகவோ அல்லது மறைமுகமாகவோ இவ்விரு இந்து ஆலயங்களும் தமது பதிவு செய்யப்பட்ட வளங்களை வழங்கியமையானது மிகப் பிழையான செயற்பாடாகும்" என இந்து ஆலயங்களுக்கு தொண்டர் அமைப்புக்களின் சம்மேளனத்தால் எழுதப்பட்ட கடிதத்தில் எழுதப்பட்டுள்ளது.

2004ல் சிறிலங்காத் தீவின் கரையோரங்களைப் பாதித்த ஆழிப்பேரலை அனர்த்தத்தை தொடர்ந்து இவ்வாறு பெருமளவான நிதி சேகரிக்கப்பட்டு தமிழர் புனர்வாழ்வுக் கழகத்துக்கு அனுப்பி வைத்தமையைக் காரணங்காட்டியே தற்போது இவ்விரு கனேடிய ஆலயங்களிடமிருந்தும் தண்டப்பணம் அறவிடப்பட்டுள்ளது. கனடாவானது பல்வேறு மனிதாபிமான அமைப்புக்களுக்கும் தன்னாலான உதவிகளை வழங்கிய அதேவேளையில், இவ்விரு இந்து ஆலயங்களும் தமிழர் புனர்வாழ்வுக் கழகத்துக்கு நேரடியாக நிதி வழங்கியுள்ளன.

அக்காலப்பகுதியில், தமிழ் சிறுபான்மை மக்கள் செறிந்து வாழும் சிறிலங்காவின் வடக்கு கிழக்குப் பகுதிகளுக்கு அனைத்துலக நிதியுதவிகள் சென்றடைவதில்லை என கனடாவில் வாழும் சிறிலங்காத் தமிழர்கள் கருதினர்.

சிங்களப் பெரும்பான்மை மக்கள் வாழும் சிறிலங்காவின் தென் மேற்குப் பகுதிகளை நோக்கியே அனைத்துலக நிதியுதவிகளை சிறிலங்கா அரசாங்கம் பயன்படுத்துவதாக Richmond Hill ஆலயத்தின் செயலர் மனிக் அம்பிகாபதி தெரிவித்துள்ளார்.

"உலகெங்கிலும் பரந்து வாழும் தமிழ் மக்கள் சிறிலங்கா அரசாங்கத்தை நம்புவதில்லை. சிறிலங்காவில் பாதிக்கப்பட்ட பிரதேசங்களில் 70 சதவீதமானவை தமிழ் மக்களினுடையதாகும். ஆனால் 80 சதவீதமான நிதி தென்மேற்குப் பகுதியை சென்றடைகின்றது. இது உண்மையில் நியாயமற்ற செயலாகும்" என திரு.அம்பிகாபதி தெரிவித்துள்ளார்.

"தமிழ் மக்களுக்கு உதவி புரிவதை நோக்காகக் கொண்டே தமிழர் புனர்வாழ்வுக் கழகத்துக்கு நேரடியாக நிதி வழங்கப்பட்டது. தமிழ் மக்களுக்கு முழுமையான நிதி சென்றடைவதற்கான ஒரு வழியாக இக்கழகம் செயற்பட்டது. அந்நேரத்தில் இப் புனர்வாழ்வுக் கழகமானது ஐக்கிய நாடுகள் சபை, அமெரிக்கா மற்றும் கனடா ஆகியவற்றால் அங்கீகரிக்கப்பட்டிருந்தது" என அம்பிகாபதி மேலும் தெரிவித்துள்ளார்.

ஆனால் தமிழர் புனர்வாழ்வுக் கழகமானது 1990களிலிருந்து புலிகள் அமைப்புடன் நேரடித் தொடர்பைக் கொண்டிருந்ததாகவும், இது தொடர்பாக தெரிந்து கொண்டும் இவ்விரு இந்து ஆலயங்களும் இக்கழகத்துக்கு நேரடியாக நிதியை அனுப்பி வைத்துள்ளதாகவும், தொண்டு அமைப்புக்களின் சம்மேளனத்தால் எழுதப்பட்ட கடிதத்தில் குறிப்பிடப்பட்டுள்ளது. புலிகள் அமைப்புடன் தொடர்புடைய தமிழர் புனர்வாழ்வுக் கழகத்துக்கு Richmond Hill ஆலயமானது 2005 மற்றும் 2006 காலப்பகுதியில் 118,000 டொலர்களையும், Mississauga ஆலயம் 85,000 டொலர்களையும் வழங்கியதாகவும் கடந்த திங்களன்று வெளியிடப்பட்ட கனேடிய வருமான அமைப்பின் அறிக்கையில் தெரிவிக்கப்பட்டுள்ளது.

"விடுதலைப் புலிகளுடன் தொடர்பைப் பேணும் அமைப்புக்களுக்கு நிதியுதவிகளை வழங்குவதை தொண்டாகக் கருதமுடியாது" எனவும் அவ் அறிக்கையில் குறிப்பிடப்பட்டுள்ளது.

"முதலில், தேசம் ஒன்றை புதிதாக உருவாக்கிக் கொள்ளல் மற்றும் அரசியல் தன்னாட்சியைப் பெற்றுக் கொள்ளுதல் போன்றவை உள்ளடங்கலாக அரசியல் நோக்கம் கருதி செயற்படும் அமைப்புக்களுக்கு உதவிகளை வழங்குவதானது தொண்டு அமைப்புக்களுக்காக வரையப்பட்ட சட்டத்தின் கீழ் உள்ளடங்கவில்லை. மேலும், தொண்டு அமைப்பொன்றின் செயற்பாடுகள் அதன் வரையறைகளைத் தாண்டி சட்ட ரீதியற்ற முறையில் செயற்பட்டால் அதனை தொண்டர் அமைப்பாக கருதமுடியாது" எனவும் கனேடிய வருமான அமைப்பால் வெளியிடப்பட்ட அறிக்கையில் குறிப்பிடப்பட்டுள்ளது.

அறிவிக்கப்பட்டுள்ள தண்டப்பணமானது உண்மையில் நியாயமற்றது என Mississauga ஆலயம் சார்பாக வாதிடும் சட்டவாளரான கரி நேசதுரை தெரிவித்துள்ளார். இவ் ஆலயமானது தனது நிதியை, ஆழிப்பேரலையால் பாதிக்கப்பட்ட மக்களுக்கான வீடமைப்பு மற்றும் இதர மனிதாபிமான உதவிகளை வழங்குவதை நோக்காகக் கொண்டே சிறிலங்காவுக்கு அனுப்பியிருந்தது எனவும் கரி நேசதுரை மேலும் தெரிவித்துள்ளார்.

"சிறிலங்காவின் வடக்கு, கிழக்கில் ஆழிப்பேரலையால் பாதிக்கப்பட்ட மக்களுக்கு உதவுவதை பிரதான நோக்காகக் கொண்டே இந்நிதி அனுப்பப்பட்டது. அத்துடன் சிறிலங்கா அரசாங்கத்தால் அங்கீகரிக்கப்பட்ட ஒரு கழகமாகவே இது காணப்பட்டது. ஆழிப்பேரலையால் பாதிக்கப்பட்ட மக்களுக்கான மனிதாபிமான உதவிகளை வழங்குவதில் முன்னின்று செயற்பட்டதற்காக சிறிலங்கா அரசாங்கமானது தமிழர் புனர்வாழ்வுக் கழகத்துக்கு விருது வழங்கிக் கௌரவித்திருந்தது" எனவும் சட்டவாளர் சுட்டிக்காட்டியுள்ளார்.

இது தொடர்பாக தற்போதைக்கு மேலதிகமாக வேறெந்த தகவலை வழங்குவதற்கு கனேடிய வருமான அமைப்பு மறுத்துவிட்டது.

செய்தி வழிமூலம் : National Post
மொழியாக்கம் : நித்தியபாரதி
முகப்பு அச்சுப்பிரதி நண்பருக்கு அனுப்பு உங்கள் கருத்து
பிந்திய 10 செய்திகள்
 
ஐ.நா விசாரணைக்கு சரியான தகவல்களை சிறிலங்கா வழங்க வேண்டும் – ஜப்பானும் அறிவுறுத்துகிறது
சிறிலங்காவின் ஊடக சுதந்திரம் – அமெரிக்கா கவலை
சிறிலங்காவின் மோடியாக அதிபர் ராஜபக்ச உள்ளார் - இந்திய ஆய்வாளர்
சிறிலங்காவின் சீனத் துருப்புச்சீட்டு - இனி இந்தியாவிடம் வாய்க்காது
மத சுதந்திரம் குறித்த அமெரிக்க அறிக்கை – சிறிலங்காவுக்கு காத்திருக்கிறது அடி
அவுஸ்ரேலியா கொண்டு செல்லப்பட்ட அகதிகளிடம் இந்திய அதிகாரிகள் விசாரணை
கொழும்பிலுள்ள பாகிஸ்தான் தூதரக அதிகாரி குறித்து சிறிலங்காவுக்கு இந்தியா அறிக்கை
சிறிலங்கா ஆட்சியாளர்களுக்கு சின்னதாகத் தெரியும் சிறுபான்மையினரின் வலி – செய்தி ஆய்வு
கொகோஸ் தீவில் இருந்து அகதிகள் அவுஸ்ரேலியாவுக்கு அனுப்பிவைப்பு
சிறிலங்காவின் 'இனப்படுகொலை' - அனைத்துலகச் சட்டங்கள் கூறுவதென்ன?