|
|
| 10 அரசியல்கட்சிகளுக்கு வெளிநாட்டில் இருந்து நிதியுதவி – பெரும்பாலானவை தமிழ்க்கட்சிகள் |
| [ புதன்கிழமை, 18 யூலை 2012, 06:11 GMT ] [ கொழும்புச் செய்தியாளர் ] |
 சிறிலங்காவில் பத்து அரசியல் கட்சிகள் வெளிநாட்டு நிதியுதவியை பெற்றுள்ளதாக சிறிலங்கா நாடாளுமன்றத்தில் தகவல் வெளியிடப்பட்டுள்ளது.
இவற்றில் பெரும்பாலானவை தமிழ் அரசியல்கட்சிகளாகும்.
சிறிலங்கா நாடாளுமன்றத்தில் ஆளும்கட்சி உறுப்பினர் ஒருவரின் கேள்விக்கு, பதிலளித்த சிறிலங்கா அமைச்சர் தினேஸ் குணவர்த்தன இந்தத் தகவலை வெளியிட்டுள்ளார்.
"சிறிலங்காவில் தேர்தல் திணைக்களத்தில் பதிவு செய்யப்பட்டுள்ள 64 அரசியல் கட்சிகளில் 10 கட்சிகளுக்கு வெளிநாட்டு நிதியுதவி கிடைத்துள்ளது.
ஜனநாயக மக்கள் விடுதலை முன்னணிக்கு 3.6 மில்லியன் ரூபாவும், பத்மநாபா ஈபிஆர்எவ்எவ் 8 இலட்சத்து 75ஆயிரம் ரூபாவும், ஈழவர் ஜனநாயக முன்னணிக்கு 8 இலட்சம் ரூபாவும் ஆண்டுதோறும் வெளிநாட்டு நிதியுதவி கிடைத்துள்ளது.
இலங்கைத் தொழிலாளர் காங்கிரசுக்கு 593,000 ரூபாவும், ஈபிஆர்எல்எவ்விற்கு 5 இலட்சம் ரூபாவும், ரெலோவுக்கு 490,000 ரூபாவும், விமல் வீரவன்சவின் தேசிய சுதந்திர முன்னணிக்கு 275,000 ரூபாவும், தமிழர் ஐக்கிய விடுதலை முன்னணிக்கு 170,000 ரூபாவும், ஐதேகவுக்கு 49,000 ரூபாவும் ஆண்டுதோறும் வெளிநாட்டு நிதி உதவி கிடைத்துள்ளது.
தேர்தல் திணைக்களம் சமர்ப்பித்துள்ள இந்தத் தகவல்களின் படி ஆளும்கட்சி உள்ளிட்ட 43 அரசியல்கட்சிகள் வெளிநாட்டில் இருந்து எந்த நிதியையும் பெறவில்லை.
நான்கு அரசியல் கட்சிகள் இன்னமும் கணக்கு அறிக்கையை சமர்ப்பிக்கவில்லை.
வெளிநாடுகளில் இருந்து இந்த அரசியல்கட்சிகளுக்கு விடுதலைப் புலிகளின் ஆதரவாளர்கள், புலம்பெயர் சமூகத்தினர் பணம் அனுப்பியுள்ளனரா என்பது குறித்து விசாரணைகள் ஆரம்பிக்கப்பட்டுள்ளன“ என்றும் அவர் மேலும் கூறியுள்ளார். |
|
|
கடல் வலயச் சட்டத்தின் ஐந்தாவது பிரிவானது குறிப்பாக 'இந்தியாவின் பாதுகாப்புடன்' சம்பந்தப்பட்ட விவகாரத்தில் தலையீடு செய்வதற்கான அனுமதியை இந்திய நீதிமன்றங்களுக்கு வழங்குகிறது. [
கொழும்பிலுள்ள இந்தியத் தூதரகத்தில் அரசியல் அதிகாரியாகப் பணியாற்றிய பூரி, இந்திய - சிறிலங்கா உடன்பாட்டுக்கான முன்னாயத்த நடவடிக்கைகளில் பங்கேற்றவர் என்பதுடன் இந்திய பிரதமர் மன்மோகன்சிங்கிற்கும் நெருக்கமானவர். [
இந்த உடன்பாட்டுக்கு அமைய, பிடிக்கப்படும் மீன்களில் 90 சதவீதம் சீனாவுக்கு ஏற்றுமதி செய்யப்படும்.10 சதவீத மீன்கள், கிலோ ஒன்று ஒரு டொலர் வீதம், சிறிலங்கா கடற்றொழில் கூட்டுத்தாபனத்துக்கு வழங்கப்படும். [
இந்திய – சிறிலங்கா உடன்பாட்டை மீறும் சிறிலங்கா அரசாங்கத்தை வேடிக்கை பார்க்காமல், அதனைக் காப்பாற்ற இந்திய மத்திய அரசு உடனடியாகத் தலையிட வேண்டும் என்று புதுடெல்லியில் நடைபெற்ற மாநாட்டில் கோரிக்கை விடுக்கப்பட்டுள்ளது.(படம் இணைப்பு) [
சிறிலங்கா ரூபாவின் மதிப்பு கடுமையாக வீழ்ச்சியடைந்துள்ளதால், கடந்த 5 நாட்களில் நாட்டின் கடன்சுமை 50 பில்லியன் ரூபாவினால் அதிகரித்துள்ளதாக ஐதேக நாடாளுமன்ற உறுப்பினர் ரவி கருணாநாயக்க தெரிவித்துள்ளார். [
சிறிலங்காவில் தற்போது நிலவும் பல்வேறு சட்டங்கள் மற்றும் நடைமுறைகள் மூலம் தற்போதும் விசாரணையின்றி தடுத்து வைக்கும் நிலை தொடர்கிறது. பல ஆயிரக்கணக்கான மக்கள் எந்தவொரு விசாரணைகளோ அல்லது வழக்குகளோ இன்றி தொடர்ந்தும் தடுத்து வைக்கப்பட்டுள்ளனர். [
குறிப்பாக முஸ்லீம்கள் பெரும்பான்மையாக வாழும் கிழக்கு மாகாணத்திலேனும் முஸ்லீம்களுக்கான தனித்துவமான அரசியற் சக்தி ஒன்று இல்லாததை இத் தேர்தல் பெறுபேறு வெளிப்படுத்துகிறது. [
மேற்குலக நாடுகளில் சிறிலங்கா அரசாங்கத்தின் மனித உரிமை மீறல்கள் மிக மோசமான விமர்சனத்துக்கு உள்ளாகியுள்ள நிலையில், இந்தியாவுடன் உறுதியான நட்பை பேணுவதாக காண்பிப்பதுடன், இந்திய அரசாங்கமானது தனக்கு ஆதரவாக இருப்பதாக அதிபர் ராஜபக்ச உலகுக்கு காட்ட முனைகிறார். [
எதிர்காலத்தில், 1958 மற்றும் 1983ல் இடம்பெற்றது போன்று சிறுபான்மை சமூகத்தவர்களுக்கு எதிராக பெரும்பான்மை சமூகத்தவர்களால் பல்வேறு வன்முறைகள் கட்டவிழ்த்து விடப்படலாம். தற்போதைய 'உருவப்பொம்மை' பின்னர் உண்மையான 'எதிரிகளாக' மாற்றமுறலாம். [
தெற்காசியாவில் சீனாவின் பொருளாதார மற்றும் இராஜதந்திர நடவடிக்கைகள் வெளிப்படையாக அதிகரித்து வருவதால் குழப்பமடைந்துள்ள இந்தியா, அதனை முறியடிப்பது குறித்துக் கலந்துரையாடுவதற்கு அயல் நாடுகளில் உள்ள தனது தூதுவர்களை புதுடெல்லிக்கு அழைத்துள்ளது. [
